Admin
Admin
عدد الرسائل: 4678
العمر: 24
تاريخ التسجيل: 12/08/2007
 |  موضوع: Abbas Abbas: çavên Beqê Peqî  2009-06-18, 21:41 | |
|
 çavên Beqê peqî, babeteke ku hin ji gelê kurd bikartînin, ew jî di dema ku li berbendî bûyerekê bin û piştî demeke dirêj pêk hatibê .
Di dema destpêka şoreşa Mela Mustefayê Berzanî de, ji gelê kurd re bibû derd, ku dengê radoya şoreşê bikin, loma jî pir ji kurdan radiyo peyda dikirin, ew jî jiber ku pihayê wê pir giran bû, ji herkesî nedihat ku bikirê .
Lê Cuma ji kundê Nissran, ji herêma Qamislo, radyoyeke xwe kirî, her tiştên di mala xwe de da ber firotinê û da bi qelênê radiyo .
Ji civata ku di dîwana Axê de di geriya winda bû, êdî civat di mala wî de bû, yan jî li ber dîwarê xaniyê wî bû, tev jî li berbendî nûçeyekê bûn ku li ser şoreşa kurdan bibhîzin!....Loma jî, her tim guhê wî di ber radiyo de û klîta kenalan di desta de, di gerand û di gerand, ji Montî karlo ya derwîn û heya BBC ya ku ji Londinê deng dida, bi tenê dengê Yerîvanê hin ji kula dilê wî bi dengê Kerebêtê Xaço û Said Aga sar dikir!...Lê wilo jî, kula dilê wî ew bû, ku ji radyoya kurdan dengê kurd û kurdistanê bikê .
Rojekê mirovekî gundî ji Cuma re got:
-Kuro bira….Tu natirsê ku nûçeyên nebaş li ser şoreşê bibhîzê!...
Cuma bi dengekî bilind bersiva wî da û got:
-Kuro bira…Bila behsa kurdan bikin…Êdî bila bêjin em di da….!
Cuma li mal radiyo di desta de, li ber hêt di desta de, li ser kolanên gund di desta de, li dîwana Axê di desta de, êdî ew û radiyo ya wî bibûn dîmenek ji gelê gundê Nissran re, her tim jî serê wî di ber de û li nav kenalan di geriya û di bere jî kufrî û gotinên nebaş didan!...
Heya wê roja ku dengê Montîkarlo, di sernûceyan de da xuyakrin ku li ser şoreşa Berzanî hin nûceyên nûjen hene û wê ji guhdaran re bibêjin!...
Pêre pêre bi coşke germ û bi dengekî bilind Cuma got:
-Mala we xirabû…Ahhhaaa wilo ….Cavê Beqê peqî…
Cuma agir bi laşê wî ket, tebatî bi cane wî neket, êdî bêhna wî çikiya û lerizî, pêre jî kir ku kufletê wî bê deng bibin, heya mirîşkên di hewşa wî de, man bê deng .
= Hûn dengê Montîkarlo di bihîzin, guhdarên hêja, îro leşkerê Eraqê dawiya şoreşa kurdan anî û serokê wê Mela Mustefayê Berzanî jî hat guştin!..
Wek çarîkê Cuma ma bê deng û behitî, ji guhê xwe bawer nakê, Serok Berzanî di bala wî de bû, ku di duniyayê de tu hêz nikarin zora wî bibin, yan wî bikujin!..... Êdî çilo… wilo çê bû?...
Cuma duniya li dora wî zîvirî, dawî jî radyoya ku parçek ji jiyana wî bû, li erdê da û bi piyên xwe kir parçe parçe û di ber jî di qîrî û di got:
-Piştî Berzanî…Êdî ezê çi ji te bikim!...
Mirovekî kal ku di bere derbas bû, ew wilo dît, bang lê kir û got:
-kuro hey bê aqil, heme…Heme ev nûçe derw derket!...Nexasim dibêjin ku radiyoya Montîkarlo pir derwan dikê!...
Cuma ji kalo bawer kir, loma jî bi parçên radiyoya xwe ket, di dan hev û di bere jî çi gotinek nebaş di ferhenga kurdî û erban de hebû, ji xwe re didan, ku êdî li radiyoya Montîkarlo guhdar nekê !...
|
|
